Լուկաշենկոն պատմել է՝ ինչպես է ՀԱՊԿ-ն գիշերվա ընթացքում Ղազախստան զորք ուղարկելու որոշումն ընդունել
Աշխարհ
Հավաքական անվտանգության պայմանագրի կազմակերպության (ՀԱՊԿ) անդամներն ամբողջ գիշեր բանակցել են Ղազախստան խաղաղապահ ուժերի տեղափոխման շուրջ։ Այս մասին հայտարարել է Բելառուսի նախագահ Ալեքսանդր Լուկաշենկոն։
«Ամբողջ գիշեր ՀԱՊԿ երկրների ղեկավարները երկխոսության մեջ էին։ Որոշումներ կայացնելիս պետք է լինի կոնսենսուս։ Որոշումը կայացվել է գիշերը։ Մենք ռեզերվներ ենք ստեղծելու: Եթե անհրաժեշտ է ուղարկել, ապա ուրեմն նորից կուղարկենք: Եվ ամբողջ գիշեր խաղաղապահ ուժերի՝ ՀԱՊԿ զորքերի նախապատրաստություն էր, որոնք նախատեսված են հենց դրա համար <...> Ես խնդրեցի [ՌԴ նախագահ Վլադիմիր] Պուտինին դրա համար ինքնաթիռներ տրամադրի։ Մենք պետք է տեխնիկա տեղափոխենք և այլն»,- ասել է Լուկաշենկոն։
Նրա խոսքով` ՀԱՊԿ անդամ երկրների ղեկավարները պայմանավորվել են, որ պետք է խաղաղապահ առաքելություն իրականացնեն Ղազախստանում՝ «մարդկանց օգնելու համար»։
«Հետևաբար, այժմ այնտեղ էշելոններով զորքերի տեղափոխում կա՝ Մոսկվայից։ Մեր տղաները կթռչեն Մինսկից <...> Բավականաչափ մարզումներ են եղել»,- պարզաբանել է Բելառուսի նախագահը։
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
