Ուկրաինուհին հիացրել և «վախեցրել» է համացանցի օգտատերերին (լուսանկարներ)

Ֆիզիկական ուժն ու զինաթափող գեղեցկությունը ուկրաինուհի Նատալյա Պոլոսենկոյի հիմնական հատկանիշներից են։ Աղջիկը ապրում և ծառայում է Կիևի ոստիկանությունում, և օգտատերերը չեն կարողանում աչքերը կտրել նրա` համազգեստով լուսանկարներից, գրում է Life.ru-ն:

Նատալյան իր կազմվածքի համար պարտական ​​է ծանր մարզումներին։ Գեղեցկուհին ավարտել է Ուկրաինայի ֆիզիկական դաստիարակության և սպորտի ազգային համալսարանը և ստացել սպորտի վարպետի թեկնածուի կոչում։ Նա նաև զբաղվել է բռնցքամարտով։ «Ինձ ուղղակի անվանի Մեքենա», - ասվում է նրա էջի նկարագրության մեջ։

Թե որքան է ուկրաինուհին արտաքնապես փոխվել սպորտի շնորհիվ, կարելի է դատել նրա հին նկարները նայելով։ Դպրոցական տարիների լուսանկարում և 2015 թվականի ավարտական ​​երեկոյի կադրերում փխրուն աղջիկը կեցվածք է ընդունել քաղցր, գրեթե մանկական ժպիտով:

Սակայն գեղեցկուհին ուժեղ բնավորություն ունի եւ չի վախենում ռիսկի դիմել։ Նատալյայի լուրջ վերաբերմունքը կարելի է հասկանալ Instagram-ի գրառումներից։ «Հուսով եմ՝ կհաղթես այն ճակատամարտում, որի մասին ոչ մեկին չես պատմում», «Մարդուն տուր նպատակ, որի համար արժե ապրել, և նա կարող է գոյատևել ցանկացած իրավիճակում», - այսպես է մարզուհին մոտիվացնում իր բաժանորդներին։

Նատալիան ծնվել է Ժիտոմիրի մարզում և անցյալ տարի հայտնվել Կիևի ոստիկանությունում։ Այժմ աղջիկը ծառայում է հատուկ նշանակության գնդում։

Ուկրաինացին երիտասարդ տարիքից երազել է պաշտպանել իր համաքաղաքացիներին հանցագործներից։ Իսկ նվիրական ուսադիրները կրելու համար համալսարանից հետո մասնագիտական ​​վերապատրաստում է անցել։

Բոդիբիլդեր, ոստիկան և գեղեցկուհի Նատալյան հեշտությամբ կարողանում է գողանալ համացանցի օգտատերերի սրտերը:

«Անիրական գեղեցկություն», «Ուժ և նուրբ կանացիություն մեկ սրվակի մեջ։ Դու հրաշք ես, Նատալի»,– գրում են օգտատերերը՝ երազելով, որ «սուպեր կինը» ուշադրություն դարձնի իրենց։