Ղազախստանում ձերբակալվել է քրեական հեղինակություն «Վայրի Արմանը» (լուսանկարներ)

Ղազախստանում Ալմաթիի ոստիկանությունը ձերբակալել է կազմակերպված հանցավոր խմբավորման վեց անդամների, որը գլխավորում էր Արման Ջումագելդիևը՝ հայտնի որպես «Վայրի Արման»: Այս մասին հայտարարել է Ղազախստանի ահաբեկչության դեմ պայքարի օպերատիվ շտաբը։ Թե կոնկրետ ինչի համար են բերման ենթարկվել հանցագործները, հայտնի չէ։ Telegram ալիքները հրապարակել են հանցագործների ձերբակալության լուսանկարը։

«Վայրի Արմանից» և կազմակերպված հանցավոր խմբի մյուս անդամներից առգրավվել է 4 կիսաավտոմատ ատրճանակ, դրանց համար նախատեսված զինամթերք, զենքեր և զրահամեքենա։

Օրերս իրավախախտը Թուրքիայից վերադարձել է Ալմաթի։ Նա գնացել է ցուցարարների մոտ ու կոչ արել դադարեցնել թալանը, բայց նրանք ծեծել են նրան։ Ավելի ուշ Ջումագելդիևը Instagram-ի իր էջում դիմել է համաքաղաքացիներին։ Նա ասել է, որ խռովարարները փողոց են դուրս գալիս ալկոհոլի և թմրանյութերի ազդեցության տակ, և դատապարտել է ցուցարարներին հստակ միասնական դիրքորոշման բացակայության համար։