Նախորդ հարաբերություններում բռնության ենթարկված ամերիկուհին ամուսնացել է կնոջը սպանած տղամարդու հետ
ԱյլՏեխաս նահանգի Սանտա Ռոզա քաղաքից Ստեֆանի Գարսիան, ով ընտանեկան բռնության է ենթարկվել նախորդ երկու հարաբերություններում, ամուսնացել է Գարարդո Կաստանեդայի հետ, ով 20 տարի ազատազրկվել էր իր նախկին կնոջ սպանության համար: Ինչպես նշում է Daily Mail-ը, նրանց ամուսնությունը, սակայն, երկար չի տեւել։
Գարսիան խոստովանել է, որ երկու հարաբերություններից հետո, որոնցում եղել է ընտանեկան բռնություն, «կորցրել է զգայունությունը» և դադարել է ուշադրություն դարձնել կասկածելի վարքագծին, իսկ ինքը՝ Կաստանեդան, շատ է դուր եկել իրեն: Նշվում է, որ ամերիկուհուն թվացել է, թե նա իսկապես զղջացել է իր կատարված վայրագությունների համար: Կինը պատմել է, որ պաշտպանել է իր հարաբերություններն այն բանից հետո, երբ սոցցանցերում վիրավորանքներ է ստացել մարդասպանի հետ ամուսնանալու համար:
«Ես իսկապես հավատում եմ, որ մարդիկ երկրորդ շանսի իրավունք ունեն: Եվ ես հավատում էի, որ նա վճարել է իր պարտքը հասարակությանը», - ասել է Գարսիան:
Զույգն ամուսնացել է Կաստանեդայի բանտից դուրս գալուց մի քանի ամիս անց։ Սակայն մեկ տարի անց նա լքել է կնոջը՝ չբացատրելով իր արարքի պատճառները։ Այժմ կինը զարմանում է, թե ինչպես կարող էր հավատալ իրեն հմայած հանցագործին։