Ֆուտբոլիստ Կուրտ Զումայի հետ խզվել են գովազդային պայմանագրերը՝ իր կատվի նկատմամբ դաժան վերաբերմունք ցուցաբերելու համար (տեսանյութ)

Ֆրանսիացի ֆուտբոլիստ և բրիտանական «Վեսթ Հեմ Յունայթեդ» ակումբի խաղացող Կուրտ Զուման կորցրել է պայմանագիրը Adidas-ի հետ և 250 հազար ֆունտ տուգանք է վճարել իր կատվին ծեծելու համար։ Ֆուտբոլիստը, ջարդված ծաղկամանի պատճառով, զայրացել է իր ընտանի կենդանու վրա, մի քանի հարված է հասցրել նրան, գցել հատակին ու ոտքերով հարվածել։ Տեսանյութը հրապարակել է ֆուտբոլիստի եղբայրը, ով դա ծիծաղելի է համարել։ Տեսանյութն անմիջապես տարածվել է Snapchat-ում և համացանցում:

Մարզադաշտում երկրպագուները սուլել են Զումայի հետևից։ Նրանք վանկարկել են՝ «Զուման հարվածում է իր կատվին»։ Երբ բախումից հետո ֆուտբոլիստն ընկել է, տրիբունաներում բղավել են, որ Զուման այժմ գիտի, թե «դա ինչ էր կատվի համար»։