Փաշինյանը նախկին պաշտոնյաներին փրկո՞ւմ է միլիոնների հասնող պարտքերից

Նախորդ տարի հայտնի դարձավ, որ Ազգային ժողովի ՀՀԿ-ական նախկին պատգամավոր Առաքել Մովսիսյանը դատարանի որոշմամբ սնանկ է ճանաչվել: Սնանկության դատարանը նաև արգելանք է դրել Մովսիսյանի գույքի վրա: Նշենք, որ դատարանի վճիռն օրենքով սահմանված ժամկետում չի բողոքարկվել: Ավելի վաղ քննության փուլում դատարանը հետախուզում էր հայտարարել Առաքել Մովսիսյանի և նրա գույքի նկատմամբ, սակայն հետագայում վերացվել էր այդ որոշումը:

 

Օրերս հայտնի դարձավ, որ Ազգային ժողովի ՀՀԿ-ական նախկին պատգամավոր Առաքել Մովսիսյանը դատարանի որոշմամբ սնանկ է ճանաչվել: Սնանկության դատարանը նաև արգելանք է դրել Մովսիսյանի գույքի վրա: Նշենք, որ դատարանի վճիռն օրենքով սահմանված ժամկետում չի բողոքարկվել: Ավելի վաղ, քննության փուլում դատարանը հետախուզում էր հայտարարել Առաքել Մովսիսյանի և նրա գույքի նկատմամբ, սակայն հետագայում վերացվել էր այդ որոշումը:

 

2019-ին ԱԺ նախկին ՀՀԿ խմբակցության պատգամավոր, օֆշորային սկանդալի մեջ հայտնված Միհրան Պողոսյանին պատկանող «Քեթրին Գրուպ» ընկերությունը ՀՀ սնանկության դատարանի մարտի 29-ի վճռով սնանկ է ճանաչվել: Ընկերությանը սնանկ ճանաչելու պահանջով դատարան էր դիմել «Ալիանս Լոջիսթիք» ընկերությունը` պահանջելով ավելի քան 6 մլն դրամ գումար: Նշենք, որ «Ալիանս Լոջիսթիք»-ը զբաղվում է միջազգային բեռնափոխադրումներով: Ենթադրվում է, որ «Քեթրին գրուպ»-ը «Ալիանս Լոջիսթիք»-ի միջոցով բեռներ է փոխադրել Հայաստան, սակայն չի վճարել այդ ծառայության դիմաց եւ պարտքեր է կուտակել:

 

Երեւանի նախկին ոստիկանապետ Ներսես Նազարյանի որդին՝ Արմեն Նազարյանը, ով հանրությանն առավել հայտնի է «Մոսկվիչկա» սուպերմարկետների ցանցի սեփականատեր լինելով` նույնպես սնանկ է ճանաչվել: Մեկ այլ վճռով սնանկ է հայտարարվել նրա մայրը՝ Նելլի Նազարյանը, ով եւս ընկերությունների սեփականատեր է եղել:

 

ՀՀ արդարադատության նախարարության «Գորիս» քրեակատարողական հիմնարկի օպերատիվ բաժնի նախկին ղեկավար Ավետիկ Համբարձումյանը դատարանի որոշմամբ նույնպես սնանկ է ճանաչվել։

 

Երևանի նախկին փոխքաղաքապետ, «Հյուսիսային պողոտա և Կասկադ» ԾԻԳ-ի նախկին տնօրեն Կարեն Դավթյանին ու նրա ընտանիքին պատկանող հիդրոէլեկտրակայաններ շահագործող ընկերությունները դատարանի վճռով սնանկացել են ու այժմ սնանկության գործընթացում են։ Չնայած այս ընկերությունների սնանկության փաստին՝ Կառավարությունը այս տարվա մարտին հավանության արժանացրեց Կարեն Դավթյանի ներդրումային ծրագիրը։ «ՋիԷմ քոնսթրաքշն» ընկերությունը, որում Դավթյանն ունի 50 տոկոս բաժնեմաս, Կառավարությունից ուղղակի վաճառքի տեսքով հող ստացավ Երևանի Աջափնյակ վարչական շրջանի Շինարարների 23 հասցեում՝ 18 հարկանի երկու շենք կառուցելու համար։ Այդ տարածքում կան նաև վթարային շենքեր, որոնց բնակիչներին «ՋիԷմ քոնսթրաքշնը» պարտավորվել է բնակարաններ տրամադրել նորակառույցներում։ Ներդրումային ծրագիրը կազմում էր 13 միլիոն դոլար։

 

Սնանկության այս գործընթացներում ուշագրավն այն է, որ նախկին պաշտոնյաների ընկերությունները այդ քայլին են դիմել կուտակած պարտքերի պատճառով: Իսկ այս դեպքում չի բացառվում որ գործ ունենք նախկին պաշտոնյաների կողմից կանխամտածված սնանկության գնալու հետ, ինչը քրեական օրենսգրքով պատժվում է ազատազրկմամբ՝ երկուսից վեց տարի ժամկետով: ՊԵԿ-ը, որը մշտապես ուշադրության կենտրոնում է պահում այս կամ այն ընկերության սնանկացման պրոցեսը, կարծես թե, անցել է վերը նշված անձանց ընկերությունների սնանկացման կողքով և անգամ չի էլ փորձել ուսումնասիրել՝ կար այստեղ օրենքի խախտման տարր, թե ոչ: Կարո՞ղ ենք արդյոք բացառել, որ Փաշինյանն ու թիմը, աչք փակելով նախկին պաշտոնյաների կանխամտածված սնանկության վրա,  պարզապես փրկում են վերջիններիս պարտատերերից և օգնում ջրել պարտքերը...