Ռուսաստանից ԵՄ նավթի ներկրման ամբողջական արգելքը կգործի 9 ամսից

Եվրոպան ամբողջական էմբարգո կմտցնի ռուսական նավթի վրա, և այն կաշխատի միայն 9 ամիս հետո, այսինքն՝ 2023 թվականի փետրվարից ոչ շուտ։ Բացառություններ կլինեն Հունգարիայի, Սլովակիայի և Չեխիայի համար: Միևնույն ժամանակ, Հունգարիան պահանջում է այն հետաձգել մինչև 5 տարի և սպառնում է կրկին արգելափակել նավթի էմբարգոն։
Այս մասին հայտարարել է տնտեսական հարցերով եվրահանձնակատար Պաոլո Ջենտիլոնին Il Messaggero-ին տված հարցազրույցում։ ԵՄ-ում կարծում են, որ այս դեպքում նավթի էմբարգոն ավելի շատ կհարվածի ռուսական տնտեսությանը, քան եվրոպականին։

Եվրահանձնակատարի կարծիքով՝ ռուսական նավթի ավելի արագ մերժումը կհանգեցնի աղետալի տնտեսական հետեւանքների։ «Մեր առաջարկն է նավթի էմբարգո սահմանել 9 ամսվա ընթացքում: Ավելի կարճ ժամկետը բացասական ազդեցություն կունենա նավթի համաշխարհային գների վրա, ինչը հակասում է մեր նպատակներին»,- ասել է նա:

Հունգարիայի համար արդեն առաջարկվել է բացառություն՝ մեկ տարով երկարաձգել ռուսական նավթից հրաժարվելու անցումային շրջանը։ Սակայն երկիրը կրկին արգելափակել է որոշումը և այժմ պահանջում է հինգ տարով հետաձգում, գրում է Bloomberg-ը։

Այսպիսի հայտարարություն է արել Հունգարիայի վարչապետ Վիկտոր Օրբանը մայիսի 6-ին՝ ռադիոյով։ Նա ասել է, որ մերժում է Ռուսաստանի Դաշնությունից նավթն արգելելու ԵՄ ներկայիս առաջարկը, և նման քայլի իրականացումը համեմատել է հունգարական տնտեսության դեմ «միջուկային ռումբի» կիրառման հետ։