Չինաստանը շարունակում է մնալ ԱՄՆ-ի գլխավոր մրցակիցը. Պենտագոն

ԱՄՆ պաշտպանության նախարարի առաջին տեղակալ Քեթլին Հիքսը հայտարարել է, որ ԱՄՆ իշխանությունները, ազգային պաշտպանության ռազմավարության նոր տարբերակի համաձայն, կշարունակեն Չինաստանին համարել գլխավոր ռազմավարական մրցակից։

ՏԱՍՍ-ի փոխանցմամբ՝ այս մասին նա ասել է Ռոնալդ Ռեյգանի նախագահական հիմնադրամի կազմակերպած համաժողովում։

«Մեր ազգային պաշտպանության ռազմավարությունը լիովին հաշվի է առնում Ռուսաստանից եկող վտանգը Եվրոպայում և նրա սահմաններից դուրս, սակայն… Չինաստանը ամենալուրջ ռազմավարական մրցակիցն է և գլխավոր մարտահրավերը մեր Զինված ուժերի համար»,- ասել է փոխնախարարը։