Անհայտ անձինք ներկ են լցրել Մոսկվայում Լեհաստանի դեսպանատան վրա (տեսանյութ)

Մոսկվայում անհայտ անձինք հարձակվել են Լեհաստանի դեսպանատան վրա: Համապատասխան տեսանյութը Telegram-ի ալիքում հրապարակել է РБК-ն։

Կադրերում երևում է, որ երկու տղամարդ կարմիր ներկ են լցնում դեսպանատան մուտքի մոտ գտնվող ցուցանակի և անցակետի վրա։ Այս ամենը հեռախոսով նկարահանում է երրորդ տղամարդը։

Մայիսի 9-ին Վարշավայի խորհրդային զինվորների գերեզմանատանը հիշատակի միջոցառումների ժամանակ անհայտ անձինք կարմիր օշարակ էին լցրել ՌԴ դեսպան Սերգեյ Անդրեևի վրա և թույլ չէին տվել նրան ծաղկեպսակ դնել Հաղթանակի օրվա կապակցությամբ։ Ռուսաստանի դեսպանը հայտարարել էր, որ իր վրա հարձակման նախապատրաստությունը կարող էր իրականացվել լեհական հատուկ ծառայությունների մասնակցությամբ։