Կայացել է առաջին դատավարությունը ռուս զինծառայողի դեմ

Ուրբաթ օրը՝ մայիսի 13-ին, Կիևում նշանակված էր ռուս Վադիմ Շիշիմարինի գործով առաջին դատական ​​նիստը, հայտնում է AP-ն։

 21-ամյա ռուս զինվորականը մեղադրվում է Սումիի շրջանում անզեն տարեց քաղաքացու սպանության մեջ, ով ճանապարհի եզրին հեծանիվ էր քշում։ Սա իր տեսակի մեջ առաջին դատավարությունն է։

 Շիշիմարինին մեղադրանք է առաջադրվել Ուկրաինայի Քրեական օրենսգրքի «Պատերազմի օրենքների և սովորույթների խախտում» հոդվածով, նրան սպառնում է մինչև 15 տարվա ազատազրկում կամ ցմահ ազատազրկում։

 AP-ն մեջբերում է Շիշիմարինի փաստաբան Վիկտոր Օվսյաննիկովի խոսքերը. մեղադրող կողմի դիրքորոշումը նրան համոզիչ է թվում, սակայն որոշումը կմնա Կիևի դատարանին։