Ռուս-ուկրաինական պատերազմի 79-րդ օրվա դրությամբ գլխավորը

 Այսօր ռուս-ուկրաինական պատերազմի 79-րդ օրն է. Համառոտ ներկայացնում ենք վերջին ժամերի գլխավոր լուրերի մասին։

 Ուկրաինայի զինված ուժերի գլխավոր շտաբը առավոտյան հաղորդում է, որ ռուսները հարձակվում են Դոնբասում, պաշտպանվում և նահանջում Խարկովի մոտ, իսկ այլ վայրերում հրետակոծությունները շարունակվում են։

 Պատերազմի ուսումնասիրության ամերիկյան ինստիտուտը մայիսի 12-ի իր վերլուծության մեջ ենթադրում է, որ ռուսական բանակը ստիպված է եղել հրաժարվել Իզյումից հարավ ճեղքելու և Դոնբասում ամբողջ ուկրաինական խմբին շրջապատելու ծրագրերից, և այժմ կենտրոնանում է ավելի փոքրամասշտաբ խնդիրների վրա:

 Ֆինլանդիայի արտաքին գործերի նախարար Պեկկա Հաավիստոն ասել է, որ Ֆինլանդիան, ամենայն հավանականությամբ, կդիմի ՆԱՏՕ-ին անդամակցելու արդեն հաջորդ շաբաթվա կեսերին, իսկ Շվեդիան նույնը կանի մոտավորապես նույն ժամանակ։