Ռուսական բանակը շարունակում է գրոհել «Ազովստալը». «Ազով» գունդ

 Ուկրաինական «Ազովի» գունդը, որը պաշտպանում է Մարիուպոլի «Ազովստալ» երկաթի և պողպատի գործարանը, հայտնում է, որ ռուսական բանակը շաբաթ օրը շարունակում է գրոհել և հրետակոծել ձեռնարկության տարածքը։

 «Ագրեսոր երկիր լայնածավալ ներխուժման 80-րդ օրվա ընթացքում զավթիչները ավիառումբեր են նետում Մարիուպոլի պաշտպանների վրա, օգտագործում են ծանր զինատեսակներ և տանկեր», - ասվում է Ազովի հայտարարության մեջ: «Նրանք փորձում են մեծ քանակությամբ հետևակայիններ. գրոհել ուկրաինական դիրքերը»։

 Ազովը հավելում է, որ չնայած կրիտիկական իրավիճակին, ուկրաինացի զինվորականները գերմարդկային ջանքեր են գործադրում և հետ են պահում ռուսական զորքերը։

 Ազովստալն արդեն մի քանի շաբաթ Մարիուպոլում ուկրաինական բանակի դիմադրության վերջին կենտրոնն է։  Երկար ժամանակ գործարանում մնացին մի քանի հարյուր խաղաղ բնակիչ, որոնք տարհանվեցին մայիսի սկզբին։