Ռուսական զորքերին հաջողվել է մի փոքր առաջ շարժվել Խարկովում (քարտեզ)

Բրիտանական ռազմական հետախուզությունը հայտնում է, որ վերջին շաբաթների ընթացքում առաջին անգամ ռուսական զորքերին հաջողվել է մի փոքր առաջ շարժվել Խարկովում։

 Խարկովի շրջանի ղեկավար Օլեգ Սինեգուբովն իր հերթին առավոտյան գրել է, որ «Խարկովի ուղղությամբ հակառակորդը դեռ կենտրոնացած է պաշտպանության վրա»։

«Իզյումի շրջանում հակառակորդը փորձում է վերահսկողություն հաստատել Բոգորոդիչնիի վրա և հարձակում է նախապատրաստում Սլավյանսկի դեմ»,- գրում է Սինեգուբովը։

Սինեգուբովի խոսքով, վերջին մեկ օրվա ընթացքում ռուսական զորքերը շարունակել են գնդակոծել Խարկովի շրջանը, ինչի հետևանքով զոհվել է մեկ մարդ, վիրավորվել հինգը, այդ թվում՝ երեք երեխա:

«Խարկովի մարզում ռուսական չորս հրթիռների խոցման հետևանքով պահեստներ ու բեռնատարներ են հրդեհվել»,- գրել է նա։