Ամերիաբանկը Հայաստանի ֆինանսական շուկայում միակն է, որ ներդրել է թվային էկոհամակարգերի ու լուծումների համախումբ

Ամերիաբանկը միշտ եղել է նորարար տարբեր բնագավառներում և կարևորել  է նման  ծրագրերի իրականացումը Հայաստանում:

Այսօր՝ հունիսի 22-ին,  մեկնարկել է  Orion Summit 2022 տեխնոլոգիական գագաթաժողովը, որին որպես Platinium հովանավոր՝  միացել է Հայաստանի առաջատար ֆինանսական–տեխնոլոգիական կառույցը՝ Ամերիաբանկը՝ կարևորելով Orion Summit-ի դերը հայաստանյան էկոհամակարգերի ստեղծման ու զարգացման գործում:

‹‹Մենք հանդիսանում ենք այս միջոցառման  Platinium  հովանավորը,  քանի որ շատ ենք կարևորում Հայաստանում թվայնացման զարգացումը և այն հանրության համար ավելի մատչելի դարձնելը: Այդ տեսանկյունից  արդեն մի քանի տարի է զարգացնում ենք տարբեր էկոհամակարգեր, որոնք նպատակաուղղված են ինչպես բիզնեսի կյանքի հեշտացմանը, այնպես էլ տարբեր կազմակերպությունների: 

Մեր կարծիքով՝ այս միջոցառումը կարևորագույն քայլերից մեկն է, որը կխթանի այդ համակարգերի զարգացումը ՀՀ-ում››,-իր խոսքում նշեց Ամերիաբանկի իրավական տնօրեն Դավիթ Սարգսյանը:

Ամերիաբանկը Հայաստանի ֆինանսական շուկայում միակն է, որ ներդրել է թվային էկոհամակարգերի ու լուծումների համախումբ: Դրանով իսկ Ամերիաբանկը առաջինը Հայաստանում ապահովում է հաճախորդի անհատական խնդրի ամբողջական լուծմանն ուղղված հարմարավետ ուղի էկոհամակարգերի՝ թվային նպատակային հարթակների միջոցով:

Էկոհամակարգային լուծումները հնարավորություն են ընձեռում բիզնեսներին և ֆիզիկական անձանց՝ անկախ ոլորտից, ներկայանալ ծառայությունների առավել լայն շրջանակով:

Orion  Orion Worldwide Innovations համահիմնադիր Դիանա Արզումանյանի խոսքով՝  Orion Summit-ի նպատակն է ամփոփել իր երկու տարիների գործունեությունը, աջակցել հայկական էկոհամակարգին,  ինչպես նաև մեր պանելային քննարկումների ժամանակ բացահայտել առկա խնդիրները և գտնել լուծումներ. 

‹‹Ունենալու ենք հինգ պանելային քննարկումներ: Կներկայացնենք Հայաստանում ամենաարագ աճող 5 ստարտափներին, որոնք շատ արագ են աճում և հավակնում են ապագայում դառնալ յունիքորներ››:

Orion Summit 2022 տեխնոլոգիական գագաթնաժողովին մասնակցում էր նաև  ՀՀ բարձր տեխնոլոգիական արդյունաբերության նախարարի տեղակալ Դավիթ Սահակյանը՝ ‹‹Հայկական ստարտափ էկոհամակարգի հասունացում և արագացում․ նորարարություն, ֆինանսներ և ներդրումային հեռանկարներ›› թեմայով պանելային քննարկման շրջանակներում։   

«Գագաթնաժողովը հնարավորություն է տալիս տեղեկացնել այն  ծրագրերի մասին, որոնք նախարարությունը պլանավորում է իրականացնել և իրականացնում է ոլորտի զարգացման համար: Պանելային քննարկմանը խոսվել է այն նախաձեռնությունների մասին, որոնք  մենք իրականացրել ենք, այդ թվում՝ դասընթացները, որոնք հինգն են․ կիբերանվտանգություն, ինժեներություն, բլոկչեյն, արհեստական բանականություն, տեխնոլոգիական ձեռներեցություն։ Մենք այսօրվա Հայաստանը դիրքավորում ենք ոչ թե այսօրվա կարիքներից ելնելով, այլ՝ ապագա կարիքներից»,-իր խոսքում նշեց  Դ. Սահակյանը: