Եղբայրը խոհանոցային դանակով փորձել է սպանել քրոջը` թեթևաբարո կյանքով ապրելու համար
Հասարակություն
Տ. Կ.-ն իրենց բնակարանում փորձել է սպանել քրոջը՝ թեթևաբարո կյանքով ապրելու համար:
Այս մասին հայտնում է Iravaban.net-ը` վկայակոչելով «Դատալեքս» դատական տեղեկատվական համակարգին:
Վերջինս 2021 թվականի դեկտեմբերի 20-ին ժամը 19:00-ի սահմաններում, առանց պարզաբանումներ պահանջելու, խոհանոցային դանակով հարվածներ է հասցրել անկողնում պառկած քրոջը, որից հետո աղջիկը ընկել է հատակին, իսկ Տ. Կ.-ն՝ չբավարարվելով կատարածից, շարունակել է հարվածներ հասցրել քրոջ մարմնի տարբեր հատվածներին:
Հարվածների հետևանքով քույրը ստացել է կյանքին վտանգ սպառնացող ծանր վնասվածքներ:
Գործը դատարան է ստացվել 2022 թվականի հունիսի 7-ին և մակագրվել է Արագածոտնի մարզի առաջին ատյանի ընդհանուր իրավասության դատարանի դատավոր Սուրեն Մնոյանին:
Տ. Կ.-ին մեղադրանք է առաջադրվել քրեական օրենսգրքի 34-104-րդ հոդվածի առաջին մասով (Սպանության հանցափորձը՝ ապօրինաբար մեկ ուրիշին դիտավորությամբ կյանքից զրկելը):
Վերջինիս նկատմամբ որպես խափանման միջոց է ընտրվել կալանվորումը:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՈՒՂԻՂ ԵԹԵՐ
Ամենադիտված 
Ինչպես է Վահան Քերոբյանը դիմավորել դստերը հյուրանոցի մոտ` «Մանկական Եվրատեսիլում» նրա հաղթանակից հետո
