Հինգ հրթիռ է ընկել Ուզբեկստանի տարածքում

Հինգ հրթիռ, որոնք ենթադրաբար արձակվել են Աֆղանստանի տարածքից, ընկել են Ուզբեկստանի սահմանային գոտում։ Այս մասին հայտնում է Ուզբեկստանի արտաքին գործերի նախարարությունը։

Հրթիռների ընկնելը գրանցվել է հուլիսի 5-ին տեղական ժամանակով ժամը 16.20-ին։ Նշվում է, որ պայթյուններ չեն եղել, մարդկային զոհեր և ավերածություններ չկան։

«Հայտնաբերված հրթիռները վնասազերծվել են սակրավորական ստորաբաժանման կողմից»,- ասվում է հաղորդագրության մեջ։

Ներկայումս Ուզբեկստանի իրավասու մարմինները աֆղանական կողմի հետ միասին պարզում են միջադեպի պատճառները։