244 կիլոգրամ կշռող տղամարդը հրաժարվել է վատ սովորություններից և կորցրել քաշի կեսը

ԱՄՆ-ում 244 կիլոգրամանոց տղամարդը հրաժարվել է վատ սովորություններից, զբաղվել սպորտով եւ նիհարել կրկնակի՝ մինչեւ 122 կիլոգրամ։ Այս մասին հայտնում է Kron 4-ը։

Միսսուրիից 57-ամյա Ջեֆ Բրինքերը գիրացել է սովորությունների և աշխատանքի պատճառով։ 2005 թվականից մինչև 2015 թվականը նա նախկին կնոջ հետ ունեցել է սննդի վաճառքով զբաղվող ընկերություն: Այդ ընթացքում ամերիկացին ավելորդ քաշ է հավաքել։ Վերջին շրջանում նրա կշեռքի սլաքը ցույց էր տալիս 244 կիլոգրամ։

2016 թվականին տղամարդը որոշել է թեւերի գաստրոպլաստիկա անցնել, որն օգնել է ազատվել ավելորդ կիլոգրամներից, սակայն հետո քաշը վերադարձել է։ Մեկ տարի առաջ տղամարդու դուստրը՝ Սամանտան, խնդրել է նրան նիհարել։ «Այսպիսի մի քանի խոսակցություններից հետո ես հասկացա, որ ինչ-որ բան պետք է անել», - ասել է Բրինքերը:

Նա որոշել է փոխել իր ապրելակերպը։ «Ուղղակի կտրուկ վերջ տվեք վատ սովորություններին: Ես մի քանի անգամ փորձեցի դա անել, ինչ-որ ծրագրի ընդունվել, բայց ամեն անգամ ձախողվում էի։ Ես պետք է փոխեի իմ մտածելակերպը և սկսեի քիչ ուտել», - բացատրել է տղամարդը:

Նա նվազեցրել է սննդակարգի էներգետիկ արժեքը օրական մինչև 1200 կիլոկալորիա և ամբողջովին հրաժարվել շաքարից: «Ես քաղցր ատամ ունեի: Այսպիսով, պարզապես հրաժարվեցի շաքարից և դադարեցի այն ավելացնել իմ սուրճին: Ես նաև դադարեցի ուտել պարզ ածխաջրեր, ինչպիսին է սպիտակ հացը», - ասել է Բրինքերը:

Տղամարդն սկսել է օրական հինգ անգամ ուտել և հաճախել մարզասրահ: Նա ամեն առավոտ մեկ ժամ անցկացնում է մարզադահլիճում։ Հետագայում ամերիկացին մարզումների տեւողությունը հասցրել է մեկուկես ժամի` օրական սպառած կիլոկալորիաների թիվը հասցնելով 1600-ի։

Ի վերջո, նա կարողացել է նիհարել մինչև 122 կիլոգրամ։ Տղամարդը շեշտել է, որ նիհարելու ժամանակ իրեն աջակցել են կինը՝ Մարթան, որդին և դուստրը։ Կինը Բրինքերի հետ սկսել է դիետա պահել՝ նրան օգնելու համար։ Նա նույնպես նիհարել է 27 կիլոգրամով։ Բրինքերը ցանկանում է նիհարել եւս 15 կիլոգրամով, սակայն գոհ է նաեւ արդեն ձեռք բերված արդյունքից։ «Այժմ ավելացրել եմ էլ ավելի շատ ուժային վարժություններ, ես կպահպանեմ իմ ընդհանուր ակտիվությունն ու առողջ ապրելակերպը», - ասել է նա:

Այս թեմայով Նշվել է նիհարելու հաճելի և արդյունավետ միջոց Ավստրալուհին նիհարել է 100 կիլոգրամով՝ բորտուղեկցորդուհի դառնալու համար (լուսանկարներ) Իռլանդացին նիհարել է՝ ամեն օր պիցցա ուտելով Տղամարդը հինգ ամսում նիհարել է 20 կիլոգրամով ու բացահայտել հաջողության գաղտնիքը Ադելը պատմել է, թե ինչպես է նիհարել 45 կգ (լուսանկարներ)