2022 թվականին աշխարհում 40 միլիոն մարդ սովի կմատնվի՝ կապված Ուկրաինայի իրավիճակի հետ

Աշխարհում շուրջ 40 միլիոն մարդ Ուկրաինայում ստեղծված իրավիճակի պատճառով կկանգնի թերսնման խնդրի առաջ։ Այս մասին հայտարարել է ՄԱԿ-ի Պարենի և գյուղատնտեսության կազմակերպության գլխավոր տնտեսագետ Մաքսիմո Տորերոն՝ ելույթ ունենալով ՄԱԿ-ում կայացած համաժողովում, գրում է ՏԱՍՍ-ը։

«Ագրոարդյունաբերական ոլորտն այժմ լուրջ անորոշության մեջ է։ Եթե ​​կանխատեսենք ազդեցությունը (իրավիճակը) Ուկրաինայում, ապա 2022 թվականին կունենանք առնվազն 40 միլիոնից ավելի մարդ, ովքեր կբախվեն խրոնիկ թերսնման հետ», - ասել է Տորերոն:

Նրա խոսքով՝ 2023 թվականին ավելի քան 70 միլիոն մարդ կարող է բախվել սովի խնդրին։