Աշխատանքի բուռն իմիտացիա՞, թե՞ «ինքնաբուխ PR»

Հայաստանի՝ վերջերս ընտրված ՄԻՊ Քրիստիննե Գրիգորյանը բավական ակտիվ է, այլ հարց է, որ նրա ակտիվությունը հաճախ այնքան էլ կապված չէ իր աշխատանքից բխող բուն պարտականությունների հետ: Դիցուք՝ կառույցի Ֆեյսբուքյան էջում տեղադրված է նորություն, որ հուլիսի 6-ին ՀՀ մարդու իրավունքների պաշտպան Քրիստիննե Գրիգորյանը ներկա է գտնվել և բացման խոսքով հանդես է եկել Եվրասիայի միջազգային համալսարանում տեղի ունեցած ERASMUS+ ԺԱՆ ՄՈՆԵ «ԵՄ, Անվտանգություն և հիմնարար իրավունքներ» մոդուլի բացման հանդիսավոր արարողությանը։ Ի՞նչ կապ ունի այս միջոցառման և քննարկվող թեմայի հետ ՄԻՊ-ը՝ բարդ է ասել:

ՄԻՊ ֆեյսբուքյան պաշտոնական էջում բավական հաճախ կարելի է հանդիպել Գրիգորյանի հին ու նոր հարցազրույցներին: Օրինակ այս մեկին՝ 

Թե ինչու է մարդու իրավունքների պաշտպանը խոսում Մարտի 1-ի մասին նույնպես դժվար է ընկալել,եթե իհարկե վերջինս համատեղության կարգով նաև գլխավոր դատախազ չի աշխատում: Սրանով սակայն, Գրիգորյանի հարցազրույցների շարքը չի ավարտվում:

Նորմալ է իհարկե, որ ՄԻՊ ֆեյսբուքյան պաշտոնական էջում լինեն նաև այս կառույցը ղեկավարող անձի հարցազրույցները, սակայն, տարակուսանք է առաջացնում հանգամանքը, որ դրանք կառույցի էջում գերակշռում են, մինչդեռ իր հարցազրույցները Գրիգորյանը կարող էր զետեղել իր անձնական էջում, ինչպես անում են շատ և շատ պաշտոնյաներ: Հակառակ դեպքում տպավորություն է ստեղծվում, որ ՄԻՊ կառույցը ընդհանրապես մատնված է պարապուրդի՝ բացառությամբ մի քանի ռելիզների, հաջողությունների պատմությունների և կրկին Քրիստինե Գրիգորյանի պաշտոնական այցերի լուսաբանման: Եվ ողջ կառույցի գործունեությունը հանգում է նրան, որ Գրիգորյանը գրեթե ամեն օր հարցազրույց է տալիս, իհարկե լավ է անում, իր իրավունքն է, սակայն, ՄԻՊ-ը ոչ միայն խոսելու համար է այլ նաև ու հիմնականում՝ գործելու: Մի բան ինչին հայ հանրությունը նոր ՄԻՊ ընտրվելուց հետո դեռևս ականատես չի լինում: