Պատժամիջոցներն այն գինն է, որ պետք է վճարենք ինքնիշխանության համար․ Պեսկով

Ռուսաստանի նախագահի մամուլի խոսնակ Դմիտրի Պեսկովը պատժամիջոցներն անվանել է այն գինը, որը Ռուսաստանն ու Իրանը պետք է վճարեն իրենց ինքնիշխանության համար։

Նա հիշել է, որ ԽՍՀՄ ժամանակներից ի վեր երկրի դեմ տարբեր սահմանափակումներ են մտցվել, դրանց ընդհանուր թիվը հասնում է հազարների։

«Սակայն, հավանաբար, դա այն գինն է, որը և՛ մեր երկիրը, և՛ Իրանը վճարում են իրենց անկախության և իրենց ինքնիշխանության համար», - ասել է Կրեմլի խոսնակը Իրանի պետական ​​ռադիոյի և հեռուստատեսությանը տված հարցազրույցում։ Նա հիշել է նաև ռուսական ասացվածքը․ «Այն, ինչ մեզ չի սպանում, մեզ ավելի է ուժեղ է դարձնում»։

Ավելի վաղ Գերմանիայի կանցլեր Օլաֆ Շոլցը հայտարարել էր, որ Մոսկվայի դեմ ոչ մի պատժամիջոց չի հանվի, եթե Ուկրաինայում հակամարտությունը լուծվի «Ռուսաստանի պայմաններով»։

Մինչ այս եվրոպական դիվանագիտության ղեկավար Ժոզեպ Բորելը հայտարարել էր, որ հակառուսական պատժամիջոցները, որոնք Եվրամիությունը սահմանել է՝ ի պատասխան Ուկրաինայում Ռուսաստանի ռազմական հատուկ գործողության, գործում են։ Նա պարզաբանել է, որ երկար ժամանակ կպահանջվի, որպեսզի սահմանափակող միջոցառումները տանեն «ցանկալի արդյունքի»։