Ուկրաինայի ՊՆ֊ն հայտարարել է գերմանական MLRS MARS II-ի ստացման մասին

Ուկրաինայի Զինված ուժերի ղեկավար Ալեքսեյ Ռեզնիկովը հայտարարել է գերմանական բազմակի արձակման հրթիռային համակարգերի` MLRS MARS II-ի ստացման մասին։ Այս մասին նա հայտնել է Twitter-ի իր էջում։

«Long Hand համակարգի երրորդ համալիրը՝ MLRS MARS II֊ը, Գերմանիայից ժամանել է Ուկրաինա: Շնորհակալություն Գերմանիային և անձամբ իմ գործընկեր Քրիստին Լամբրեխտին այս համակարգի համար: Մեր հրետանային ողջույնը մեր գերմանացի գործընկերներին»,֊գրել է Ուկրաինայի Պաշտպանության նախարարը՝ հաղորդագրությանը կցելով համալիրի լուսանկարը։

Ավելի վաղ Գերմանիայի Պաշտպանության նախարար Քրիստին Լամբրեխտը հայտարարել էր MARS II-ի ուղարկման մասին՝ հավելելով, որ փաթեթը ներառում է նաև երեք ինքնագնաց հաուբից։

«Մենք մեր խոսքի տերն ենք»,- ասաել է Լամբրեխտը։