Կոկորդիլոսը հոշոտել է կնոջը հարազատների աչքի առաջ
ԱյլՄալայզիայի Կինաբաթանգան քաղաքի գետի ափին կոկորդիլոսը հոշոտել է կնոջը, ով ընտանիքի հետ ձկնորսություն էր անում։ Այս մասին հայտնում է The Star-ը։
Գիշատիչը հարձակվել է 32-ամյա Նորսիլա Սայոնգի վրա՝ հարազատների աչքի առաջ։ Նրանք փորձել են փրկել կնոջը, սակայն կենդանին չափազանց ուժեղ և արագ է եղել։ Ականատեսները պնդում են, որ հսկայական սողունի գլուխն իր չափերով համեմատելի էր փոքր փայտե նավակի հետ։
Մահացածի մարմինը հայտնաբերվել է վերջին անգամ տեսած վայրից 800 մետր հեռավորության վրա։ Փրկարարները գետից դուրս են բերել մնացորդները և հանձնվել ոստիկանություն՝ դիահերձման համար։
Տեղի բնակիչների խոսքով, իրենք նախկինում մի քանի անգամ տեսել են այդ կոկորդիլոսին այդ տարածքում։ Սողունին որսալու համար դեպքի վայր կուղարկվեն մասնագետներ։