Ահա թե ինչու են մարդիկ հավատում հորոսկոպներին․ Լաբկովսկի
Ժամանց
Հոգեբան, գրող և հեռուստահաղորդավար Միխայիլ Լաբկովսկին հայտնել է, թե ինչու են մարդիկ վստահում աստղագուշակների կարծիքին։ Լաբկովսկին իր կարծիքն է հայտնել Gazeta.Ru-ին տված հարցազրույցում։
Նա աստղագուշակների ծառայությունների աճող պահանջարկը բացատրել է «իրենց կյանքի համար պատասխանատվություն ստանձնելու մարդկանց դժկամությամբ»։ Հոգեբանը համոզված է, որ աստղագուշակներին հավատացողները չեն ցանկանում ինքնուրույն որոշումներ կայացնել և հետագայում պատասխանատվություն կրել դրանց համար, ուստի ապավինում են աստղագիտական կանխատեսումներին։
«Հորոսկոպները պատասխանատվության բարդումն են փայլփլուն կազմով ամսագրերին», - ավելացրել է նա:
Միևնույն ժամանակ, Միխայիլ Լաբկովսկին հոգեթերապիան անվանել է «լավ միտում»: «30 տարի առաջ ես և իմ գործընկերները սկսեցինք հոգեբանական հաղորդումներ պատրաստել հեռուստատեսությամբ և ռադիոյով, և դա նպաստեց հոգեբանության մասսայականացմանը։ Առայժմ հոգեբաններին դիմողների թիվն աճում է։ Մարդիկ, ընդհանուր առմամբ, դարձել են ավելի գիտակից ու առաջադեմ հոգեկան հարմարավետության հարցում»,- ասել է նա։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
