Կոլումբիայում տեղի է ունեցել պատմական իշխանափոխություն

Կոլումբիայի անկախության 200 տարվա ընթացքում առաջին անգամ ձախակողմյան կառավարությունը կարողացել է իշխանության գալ երկրում:

Երկրի նախագահ է դարձել «Պատմական դաշինք. «Կոլումբիան կարող է» ձախակողմյան կոալիցիայի 62-ամյա ներկայացուցիչ, սոցիալիստ Գուստավո Պետրոն, որի երդմնակալությունը տեղի է ունեցել օգոստոսի 7-ին, գրում է El Pais պարբերականը:

Երդմնակալության ժամանակ նորընտիր նախագահը հայտարարել է, որ իր գլխավորած կառավարությունը Կոլումբիայի համար երկրորդ հնարավորություն է: Մինչև այդ, նախընտրական շրջանում, Պետրոն խոստացել էր իրականացնել մի շարք բարեփոխումներ, այդ թվում՝ շքեղության հարկի սահմանում, սովի դեմ պայքար և այլն: