Լիտվան, Լատվիան և Էստոնիան կսահմանափակեն ռուսների անցուդարձը իրենց երկրների տարածքով

Լիտվան, Լատվիան և Էստոնիան որոշել են «զգալիորեն սահմանափակել» ռուսների և բելառուսների ցամաքային սահմանների հատումը Շենգենյան վիզաներով, հայտարարել է Լատվիայի արտաքին գործերի նախարար Էդգարս Ռինկևիչը:

Արգելքի հետ կապված բացառություններ կկատարվեն բեռնատար մեքենաների վարորդների, դիվանագետների և ընտանեկան եւ մարդասիրական նկատառումներով մուտք գործողների համար:

«Որոշումները կկայացվեն ազգային կառավարությունների կողմից՝ ազգային ընթացակարգերին համապատասխան և միաժամանակ ուժի մեջ կմտնեն»,- ասել է Ռինկիևիչը: