Դուեյն Ջոնսոնն աջակցել է Բրենդան Ֆրեյզերին, ով ֆիլմում դերի համար քաշ է հավաքել
ԼուսանկարներԴերասան Դուեյն Ջոնսոնն իր Twitter-ում աջակցել է գործընկեր Բրենդան Ֆրեյզերին, ով գիրացել է Դարեն Արոնոֆսկու «Կետը» ֆիլմում իր դերի համար։
«Տղե՛րք, ես այնքան ուրախ եմ՝ տեսնելու Բրենդանի համար այս գեղեցիկ հոտնկայս ծափահարությունները: Շնորհավորում եմ քո բոլոր հաջողությունների համար, եղբայր, և շնորհավորում եմ նաև իմ ընկեր Դարեն Արոնոֆսկուն»,- գրել է Ջոնսոնը։
Արտիստի խոսքով՝ ժամանակին Ֆրեյզերն աջակցել է իրեն, երբ Ջոնսոնը, որպես դերասան, հանդես է եկել «Մումիան վերադառնում է» ֆիլմում: Հենց այս ժապավենը ծառայեց՝ որպես Հոլիվուդում Ջոնսոնի կարիերայի սկիզբ:
«Կետը» ֆիլմում Ֆրեյզերի հերոսը կշռում է մոտ 300 կիլոգրամ և փորձում է ընդհանուր լեզու գտնել իր 17-ամյա դստեր հետ, ում մարմնավորում է երիտասարդ դերասանուհի Սադի Սինքը (հայտնի «Շատ տարօրինակ բաներ» ֆիլմից)։
Նկարահանումների ժամանակ Ֆրեյզերը ստիպված է եղել ծանր քաշով հատուկ կոստյում կրել, իսկ նկարահանումից առաջ դիմահարդարման գործընթացը տևել է մինչև վեց ժամ։ Դերասանի խոսքով՝ ծանր կոստյում հագնելուց հետո նա հայտնաբերել է, որ մկաններ ունի, որոնց մասին նույնիսկ չէր էլ կասկածում։