Ֆրանսիան Ադրբեջանին կոչ է արել հետ քաշել զորքերը Հայաստանի սահմանից եւ վերադառնալ սկզբնական դիրքեր

Ֆրանսիան Ադրբեջանին կոչ է արել հետ քաշել զորքերը Հայաստանի սահմանից եւ վերադառնալ սկզբնական դիրքեր։ Այս մասին հայտարարել է ՄԱԿ-ում Ֆրանսիայի ներկայացուցիչը՝ ելույթ ունենալով Անվտանգության խորհրդի նիստում։

Նրա խոսքով՝ Ֆրանսիային մտահոգում են հայ-ադրբեջանական սահմանին ռազմական գործողությունները։ «Դրանք արդեն հանգեցրել են տասնյակ զոհերի, կրակի տակ են հայտնվել Հայաստանի տարածքում մի շարք բնակավայրեր, հաղորդվում է քաղաքացիական ենթակառուցվածքների օբյեկտների ուղղությամբ հարվածների մասին։ Ֆրանսիան ջանքեր է ձեռնարկում, որպեսզի կողմերը վերադառնան հրադադարի ռեժիմի պահպանմանը։ Սահմանի սահմանազատումը պետք է տեղի ունենա բացառապես բանակցությունների միջոցով։ Կոչ ենք անում կողմերին քննարկել սահմանազատման եւ սահմանագծման հարցը, որպեսզի նոր միջադեպեր չարձանագրվեն»,-նշել է նա։