Կիևը հայտարարել է, որ Թուրքիան Ռուսաստանի վրա ազդելու լծակներ ունի

Ուկրաինան քննարկում է մի քանի հնարավոր սցենարներ՝ կապված հացահատիկային գործարքին Ռուսաստանի մասնակցության կասեցման հետ, հայտարարել է Թուրքիայում Կիևի դեսպան Վասիլ Բոդնարը, գրում է «Европейская правда»-ն։ Ըստ նրա՝ մի տարբերակը վերաբերում է առանց Մոսկվայի համաձայնագրի շարունակմանը, իսկ մյուսը՝ Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի հնարավոր հանդիպումից հետո ռուսական կողմի՝ համաձայնագրին վերադարձին։

«Ելքեր պետք է փնտրել առաջին հերթին գոյություն ունեցող ձևաչափի շրջանակներում։ Մենք հուսով ենք, որ թուրքական կողմը կբանակցի <...> և կհամոզի նրան [Ռուսաստանին] վերադառնալ նախկին պայմանավորվածություններին... Բայց դա չի բացառում այլընտրանքային ձևաչափերի և հնարավորությունների զարգացումը»,- պարզաբանել է Բոնդարը։

Նա նաև հավելել է, որ Թուրքիան, իբր, Ռուսաստանի վրա ազդելու լծակներ ունի։ Բոնդարն ընդգծել է, որ պայմանավորվածությունները ձեռնտու են Անկարային, ուստի Կիևն ակնկալում է, որ թուրքական կողմը կաշխատի դրանց վերականգնման ուղղությամբ։