Իրանում հայտնի դերասանուհին երկու տարվա պայմանական ազատազրկման է դատապարտվել հիջաբ չկրելու համար

Իրանական դատարանը դերասանուհի Աֆսանեհ Բայեգանին երկու տարվա պայմանական ազատազրկման է դատապարտել հասարակական վայրում մեկ անգամ հիջաբ չկրելու համար։ Այս մասին հայտնում է The Times of Israel-ը։

Բայեգանին հրամայվել է ամեն շաբաթ հաճախել հոգեբանական կենտրոն՝ «հակաընտանեկան տրամադրությունների հետ կապված հոգեկան խանգարման բուժման համար»։ Բուժումից հետո դերասանուհին պետք է առողջական տեղեկանք տրամադրի։ Նրան նաև արգելվում է երկու տարով օգտվել սոցիալական ցանցերից և հեռանալ երկրից:

Իրավապահ մարմինները Բայեգանին նկատել են այն բանից հետո, երբ 61-ամյա դերասանուհին սոցցանցերում լուսանկար է հրապարակել կինոփառատոնից, որում կինը գլխարկով է եղել՝ առանց հիջաբի։

Ընդ որում, դերասանուհին աջակցել է Իրանում անցած տարի իրականացված բողոքի ցույցերին, որոնք առաջացել էին 22-ամյա Մահսա Ամինիի մահվան պատճառով։