Պեսկովը հայտնել է Պուտինի ու Էրդողանի բանակցությունների հեռանկարների մասին
Աշխարհ
Ռուսաստանի նախագահ Վլադիմիր Պուտինը դեռ չի ծրագրում շփումներ ունենալ Թուրքիայի նախագահ Ռեջեփ Թայիփ Էրդողանի հետ, ՏԱՍՍ-ին հայտնել է ՌԴ նախագահի մամուլի խոսնակ Դմիտրի Պեսկովը։
Մեկ շաբաթ առաջ Պեսկովին հարցրել են Պուտինի՝ թուրք գործընկերոջ հետ բանակցությունների պլանների մասին։ Կրեմլի խոսնակն ընդգծել է, որ պետության ղեկավարի ժամանակացույցում Էրդողանի հետ հեռախոսազրույց դեռևս չկա։
Հուլիսի 13-ին Թուրքիայի իշխող «Արդարություն և զարգացում» կուսակցության խոսնակ Օմեր Չելիքը հայտնել է, որ Էրդողանը ծրագրում է բանակցություններ վարել Պուտինի հետ մինչև հացահատիկի գործարքի ավարտը։ Մինչդեռ հացահատիկի գործարքն ավարտվեց հուլիսի 17-ին։ Ռուսաստանը հրաժարվել է երկարաձգել իր մասնակցությունը համաձայնագրին այնքան ժամանակ, քանի դեռ գործարքի մյուս կողմերը չեն կատարել գործարքի ռուսական մասը։
Ռուսաստանի նախագահ Վլադիմիր Պուտինի խոսքով՝ հացահատիկի գործարքը Ռուսաստանին 1,2 միլիարդ դոլարի վնաս է պատճառել։
Ամենադիտված 
Մնաս բարյավ. Րաֆֆի Հովհաննիսյան
