Մեդվեդևը Բայդենի կատակից հետո հիշել է American Idiot երգը

ՌԴ Անվտանգության խորհրդի փոխնախագահ Դմիտրի Մեդվեդևն իր Twitter-ում հիշել է ամերիկյան Green Day ռոք խմբի American Idiot երգը՝ ԱՄՆ նախագահ Ջո Բայդենի՝ արհեստական ​​ինտելեկտի մասին կատակից հետո։

«Երբ լսում ես Green Day-ի հիթը 2004 թվականի համանուն ալբոմից, պարզ է դառնում, թե ինչ նկատի ուներ «քնկոտ Ջոն», երբ ասում էր, որ ինքը արհեստական ​​ինտելեկտ է», - գրել է Ռուսաստանի Դաշնության Անվտանգության խորհրդի փոխնախագահը։

Բայդենն ավելի վաղ կատակով իրեն անվանել էր «արհեստական ​​ինտելեկտ»: 

Մինչ այդ Մեդվեդևը Բայդենին անվանել էր «հուսահատ պապիկ»։

Միացյալ Նահանգների 46-րդ նախագահը ներկայումս 80 տարեկան է և ԱՄՆ-ի պատմության մեջ ամենատարեց ամերիկացի նախագահն է։