Իրանի ու Ադրբեջանի ԱԳ նախարարները հեռախոսազրույց են ունեցել

Ադրբեջանի և Իրանի ԱԳ նախարարներ Ամիր Աբդոլլահիանն ու Ջեյհուն Բայրամովը  քննարկել են երկկողմ հարաբերությունները և տարածաշրջանում հետկոնֆլիկտային իրավիճակը։

Նախարարները նշել են նաև տնտեսության և տրանսպորտի ոլորտում ձեռք բերված երկկողմ և տարածաշրջանային պայմանավորվածությունների իրականացման կարևորությունը։

Նշվում է, որ Բայրամովը կարևորել է Աբդոլլահիանի վերջին այցը Բաքու և նշել, որ այն երկու երկրների հարաբերությունների վրա դրական ազդեցություն է ունեցել։

Նա նաև շնորհակալություն է հայտնել «Ղարաբաղի հարցում Իրանի կառուցողական դիրքորոշման համար» և մանրամասներ ներկայացրել Հայաստանի հետ բանակցությունների, Լաչինի շրջափակման վերաբերյալ։ 

Հաղորդվում է, որ կողմերը ոչ կառուցողական են որակել տարածաշրջանում օտար ուժերի միջամտությունն ու ներկայությունը։