Ուկրաինայում զգալի ավերածություններ կան. Զելենսկի

Ուկրաինայում ավերածություններ են գրանցվել հիմնականում երկրի հարավում։ Այս մասին սոցիալական ցանցում հայտնել է Ուկրաինայի նախագահ Վոլոդիմիր Զելենսկին։

«Ցավոք, վնասներ կան։ Առավել նշանակալիցները երկրի հարավում են»,- ասվում է Զելենսկիի գրառման մեջ։

Զելենսկին նաև հավելել է, որ հակաօդային պաշտպանությունը շարունակում է գործել Ուկրաինայի տարածքում։

Մինչ այս ՌԴ ԱԳՆ պաշտոնական ներկայացուցիչ Մարիա Զախարովան ասել էր, որ ԱՄՆ-ն Զելենսկիից պահանջել է ամեն գնով շարունակել Ուկրաինայի զինված ուժերի հարձակումը։ Նրա խոսքով՝ ԱՄՆ-ն «դժգոհ է Ուկրաինայում ստեղծված իրավիճակից»։