Հունաստանում հուլիսյան հրդեհներն ամենաուժեղն են եղել վերջին 13 տարվա ընթացքում

2023 թվականի հուլիսի հրդեհները այրել են ընդհանուր առմամբ 50,791 հեկտար բուսականություն, ասվում է Աթենքի ազգային աստղադիտարանի Աստղագիտության, աստղաֆիզիկայի, տիեզերական կիրառությունների և հեռահար զոնդավորման ինստիտուտից դուրս գործող օպերատիվ բաժնի զեկույցում: Նրան մեջբերում է Աթենքի AMNA լրատվական գործակալությունը։

«Ինչպես պարզվել է, հրդեհները զգալի չափով ավելի շատ վնաս են հասցրել, քան ցանկացածը նախորդ 13 տարվա համապատասխան ժամանակահատվածում։ 2023 թվականի հուլիսին այրված տարածքները երեք անգամ ավելին են, քան 2022 թվականի նույն ամսին, և չորս անգամ ավելին են, քան 2021 թվականի նույն ամսին»,- ասված է հաղորդագրության մեջ։

Պարզվել է նաև, որ հրդեհների մեծ մասը բռնկվել է նախկինում արդեն նմանատիպ աղետից տուժած տարածքներում։ 

Կլիմայական ճգնաժամի և քաղաքացիական պաշտպանության նախարար Վասիլիս Կիկիլիասը հուլիսի 28-ին կայացած մամուլի ասուլիսում ասել է, որ այդ օրը այրվել է 40 000 հեկտար տարածք։