Ուկրաինայում հայտարարել են, որ գործընկեր երկրները Կիևին թույլ են տվել հարվածներ հասցնել Ղրիմին

Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը հեռուստամարաթոնի եթերում ասել է, որ գործընկեր երկրները Կիևին թույլ են տվել հարվածներ հասցնել Ղրիմին։

«Այսօր արդեն կա բացարձակ կոնսենսուս, որ մենք կարող ենք ոչնչացնել այն ամենը, ինչ ռուսական է, օրինակ՝ Ղրիմում», - ասել է Պոդոլյակը։

Նա հավելել է, որ կմեծանա «չբացահայտված անօդաչու թռչող սարքերի» թիվը, որոնք հարվածներ են հասցնում Ռուսաստանի տարածքին։