Պետք է շարունակենք ֆինանսական օգնություն տրամադրել Ուկրաինային. Բորել

Եվրամիությունը պետք է շարունակի ֆինանսական օգնություն ցուցաբերել Ուկրաինային։ Այս մասին իսպանական Տոլեդո քաղաքում ԵՄ պաշտպանության նախարարների ոչ պաշտոնական հանդիպման նախօրեին լրագրողներին ասել է ԵՄ արտաքին քաղաքականության և անվտանգության գերագույն ներկայացուցիչ Խոսեպ Բորելը, գրում են միջազգային ԶԼՄ-ները։

«Այդ օգնությունը պետք է շարունակվի հիմա, իսկ պատերազմից հետո, ինչ էլ որ լինի, այն պետք է շարունակվի, որպեսզի վերականգնենք Ուկրաինան»,- ասել է Բորելը։