Որոշ ուժեր ցանկանում են ընդլայնել հակամարտությունը Մերձավոր Արևելքում․ Պուտին
Աշխարհ
Որոշ ուժեր փորձում են այլ երկրներին ներքաշել Մերձավոր Արևելքի հակամարտության մեջ, ասել է Վլադիմիր Պուտինը կրոնական միավորումների ներկայացուցիչների հետ հանդիպմանը։
«Մենք տեսնում ենք որոշ ուժերի կողմից էսկալացիայի շարունակություն հրահրելու, որքան հնարավոր է շատ այլ երկրների և ժողովուրդների հակամարտության մեջ ներքաշելու փորձեր՝ դրանք օգտագործելով սեփական եսասիրական շահերի, ոչ միայն Մերձավոր Արևելքում, այլ նաեւ դրա սահմաններից դուրս քաոսի, փոխադարձ ատելության իրական ալիք բարձրացնելու համար»,- ասել է նա։
Պետության ղեկավարը նշել է, որ պաղեստինա-իսրայելական հակամարտության սրումը վերաբերում է նաեւ Ռուսաստանին։ Նրա խոսքով՝ երկիրը տագնապով ու ցավով է հետևում Սուրբ Երկրում տեղի ունեցող իրադարձություններին։
Խոսելով Արևմուտքում հնչած նոր աշխարհակարգի գաղափարների մասին՝ Պուտինը նշել է, որ դրա էությունը դեռ նույնն է՝ կեղծավորություն, երկակի ստանդարտներ, բացառիկության հավակնություններ։
«Միևնույն ժամանակ, խոսվում է ինչ-որ նոր աշխարհակարգի մասին, որի էությունը իրականում նույնն է՝ կեղծավորություն, երկակի ստանդարտներ, բացառիկության հավակնություններ, համաշխարհային գերիշխանություն, էապես նեոգաղութային համակարգի պահպանում»,– ասել է նա։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
