Իրանում լայնամասշտաբ զորավարժություններ են հայտարարվել

Իրանի զինված ուժերը մտադիր են առաջիկա օրերին լայնամասշտաբ զորավարժություններ անցկացնել։ Ինչպես հաղորդում է Tasnim պետական ​​գործակալությունը, զորքերի վարժանքը ստացել է «Էկտեդար 1402» («Ուժ 2023») անվանումը։

«Առաջիկա օրերին այս տիպի զորքերի տարբեր ստորաբաժանումների մասնակցությամբ կանցկացվեն «Էկտեդար 1402» ցամաքային զորավարժությունները»,- ասվում է գործակալության նյութում։

Ըստ լրագրողների՝ Իրանի Զինված ուժերը ցանկանում են զորավարժություններին ներգրավել հրթիռային և օդադեսանտային ստորաբաժանումներ, ինչպես նաև հրետանի, անօդաչու թռչող սարքեր, զրահատեխնիկա և այլ տեսակի տեխնիկա։ Սպասվում է, որ զորավարժությունները կանցկացվեն Իրանի կենտրոնական Սպահան քաղաքի մոտակայքում: