Գազայում թուրքական հիվանդանոց է ռմբակոծվել

Գազա քաղաքից հարավ գտնվող թուրքական հիվանդանոցը ռմբակոծվել է իսրայելական ուժերի կողմից։ Այս մասին հայտնում է Պաղեստինի առողջապահության նախարարությունը։

«Գազայի պաղեստինա-թուրքական բարեկամության հիվանդանոցը ենթարկվել է իսրայելական ռմբակոծության», - հետևում է Պաղեստինի առողջապահության նախարարության ֆեյսբուքյան էջում հրապարակված հաղորդագրությունից: Նշվում է, որ մի քանի քաղցկեղով պացիենտներ «անհանգստություն և վախ են ապրել» հիվանդանոցի շրջակայքում իսրայելական ռմբակոծությունների պատճառով։ Չի նշվում, թե արդյոք բուժհաստատության վրա հարձակման հետևանքով զոհեր կան։