Իսրայելական բանակը կին զինվորի է պատանդությունից ազատել

Գազայի հատվածում ցամաքային գործողությունների ժամանակ իսրայելցի զինվորականներն ազատել են պաղեստինյան ՀԱՄԱՍ խմբավորման կողմից պատանդ պահվող մեկ զինվորի։ Այս մասին Telegram-ում հայտնել է Իսրայելի պաշտպանության բանակի (IDF) մամուլի ծառայությունը։

«Այսօր երեկոյան ցամաքային գործողության ընթացքում ազատ է արձակվել հոկտեմբերի 7-ին ՀԱՄԱՍ ահաբեկչական կազմակերպության կողմից առևանգված շարքային Ուրի Մագիդիշը»,- ասվում է մամուլի ծառայության հաղորդագրության մեջ։

Նշվում է նաև, որ ազատ արձակված կնոջ ինքնազգացողությունը լավ է և արդեն հանդիպել է իր ընտանիքի հետ։