Չեչնիայում սադրանքի փորձ է կասեցվել. Կադիրով
Աշխարհ
Չեչնիայի ղեկավար Ռամզան Կադիրովը, մեկնաբանելով կիրակի օրը Դաղստանում տեղի ունեցած անկարգությունները, նշել է, որ Չեչնիայի Հանրապետությունում արագ կասեցվել է նման սադրանքի փորձը, գրում է Ռիա Նովոստին։
Ինչպես հայտնի է, կիրակի օրը Մախաչկալայում տեղի բնակիչները ներխուժել են օդանավակայանի թռիչքուղի Թել Ավիվից չվերթի ժամանումից հետո։ Հաղորդվել է, որ նրանք, ենթադրաբար, փնտրում էին ժամանող Իսրայելի քաղաքացիներին, և սկսվել են անկարգություններ։ Ներքին գործերի նախարարությունը հայտարարել է, որ զանգվածային անկարգությունների դեպքի առթիվ հարուցվել է քրեական գործ, բացահայտվել է ավելի քան 150 ակտիվ մասնակից։ Հյուսիսային Կովկասի դաշնային օկրուգի ներքին գործերի գլխավոր տնօրինության վերջին տվյալների համաձայն՝ բերման է ենթարկվել 83 մարդ։
«Նման սադրանքի փորձը երեկ երեկոյան շատ արագ կասեցվեց հենց Չեչնիայի Հանրապետությունում: Տարածաշրջանային լրատվամիջոցները ժամանակին ուշադրություն դարձրին կեղծ կոչերին և բնակիչներին նախազգուշացրեցին չմտածված գործողությունների մասին: Ոստիկանության և Ազգային գվարդիայի անդամները զգոնության են բերվել՝ արձագանքելու ցանկացած սադրանքի»,- գրել է Կադիրովը Telegram-ի իր ալիքում:
Ամենադիտված 
Մնաս բարյավ. Րաֆֆի Հովհաննիսյան
