Ուկրաինայի ԱԳՆ ղեկավարը կանխատեսել է երկրի պատմության մեջ վատագույն ձմեռը

Առաջիկա ձմեռը վատագույնն է լինելու Ուկրաինայի համար իր ողջ պատմության ընթացքում: Այս մասին մատնանշել է երկրի արտգործնախարար Դմիտրի Կուլեբան, ով հարցազրույց է տվել գերմանական Die Welt թերթին։

Կուլեբան խոստովանել է, որ նախապատրաստվելով ցուրտ եղանակին` գնել է «տասնյակ մոմեր»։ Ավելին` նրա հայրը մի ամբողջ բեռնատար վառելափայտ է գնել։

«Մենք պատրաստվում ենք վատագույն ձմռանը, որ երբևէ եղել է։ Ուստի մենք աչք կփակենք, եթե չստանանք Taurus [հեռահար թեւավոր հրթիռներ], այլ ստանանք հակաօդային պաշտպանության համակարգեր»,- նշել է Կուլեբան։

Նրա խոսքով, ներկայումս Կիևը ձեռնարկում է բոլոր անհրաժեշտ միջոցները՝ երկրի տարածքում էլեկտրակայանների անվտանգությունն ապահովելու համար։ Միևնույն ժամանակ, նախարարը չի բացառել, որ ձմռանը Ռուսաստանի զինված ուժերը կրկին կսկսեն «փորձարկել» ուկրաինական էներգետիկ ենթակառուցվածքի դիմացկունությունը։