Էրդողանը Գազայի հատվածում Իսրայելի գործողություններն անվանել է «զանգվածային ջարդեր»
Աշխարհ
Թուրքիայի նախագահ Ռեջեփ Թայիփ Էրդողանը Ռիադում հանդիպումներ է ունեցել Եգիպտոսի նախագահ Աբդել Ֆաթթահ Ալ-Սիսիի, Ինդոնեզիայի նախագահ Ջոկո Վիդոդոյի և Սաուդյան Արաբիայի գահաժառանգ արքայազն Մուհամեդ բին Սալման ալ Սաուդի հետ, որոնց ընթացքում քննարկվել է Գազայի հատվածում տիրող իրավիճակը։ Այս մասին հայտնում է ՌԻԱ Նովոստին՝ վկայակոչելով թուրքական պետության ղեկավարի վարչակազմը։
Հանդիպումների ընթացքում թուրք առաջնորդն իր գործընկերների հետ քննարկել է Իսրայելի հարձակումները Գազայի վրա և քայլերը, որոնք կարող են ձեռնարկվել խաղաղ բնակչությանը մարդասիրական օգնություն հասցնելու և պաղեստինա-իսրայելական հակամարտությունը լուծելու համար։
«Վիդոդոյի հետ հանդիպման ժամանակ Էրդողանը հայտարարել է պաղեստինցի ժողովրդի նկատմամբ զանգվածային ջարդերի մասշտաբների հասած հարձակումների անընդունելիության մասին, որոնց թիրախում են հիվանդանոցները, դպրոցները, կրոնական վայրերը և հասարակական կազմակերպությունների աշխատակիցները», - ասվում է վարչակազմի հայտարարության մեջ:
Էրդողանը նաև կոչ է արել իսլամական աշխարհին ցուցաբերել միասնական կամք՝ տարածաշրջանում խաղաղություն հաստատելու նպատակով միջոցներ ձեռնարկելու համար։ Բացի այդ, նա խոսել է մարդասիրական օգնություն հասցնելու Թուրքիայի ջանքերի մասին։
Ամենադիտված 
Մնաս բարյավ. Րաֆֆի Հովհաննիսյան
