Մահվան ելքով ավտովթարից հետո Խորվաթիայի պաշտպանության նախարարը պաշտոնանկ է արվել

Խորվաթիայի վարչապետ Անդրեյ Պլենկովիչը պաշտոնանկ է արել պաշտպանության նախարար Մարիո Բանոզիչին այն բանից հետո, երբ դատախազությունը հայտնել է նրա մասնակցությամբ ավտովթարի պատճառների մասին, որի հետևանքով մեկ մարդ է մահացել, իսկ ինքը՝ նախարարը, ծանր վիրավորվել։ Այս մասին հայտնում է ՌԻԱ Նովոստին։

Տեղի լրատվամիջոցների ոչ պաշտոնական վարկածի համաձայն՝ Խորվաթիայի պաշտպանության նախարարության ղեկավարը վաղ առավոտյան իր մեքենայով դուրս էր եկել որսի եւ թաց ճանապարհին բախվել միկրոավտոբուսին։