Նեթանյահուն Էրդողանին մեղադրել է ահաբեկչությանն աջակցելու մեջ

Իսրայելի վարչապետ Բենիամին Նեթանյահուն Թուրքիայի նախագահ Ռեջեփ Թայիփ Էրդողանին մեղադրել է ահաբեկչությանն աջակցելու մեջ՝ ասելով, որ Իսրայելը չի ​​լսի նրա խրատները։

«Պետք է ասեմ, որ աշխարհն այսօր բաժանված է երկու ճամբարի. նրանք, ովքեր աջակցում են Իսրայելին և նրա արդար պատերազմին ընդդեմ ՀԱՄԱՍ–ի ահաբեկչության, և նրանք, ովքեր աջակցում են ՀԱՄԱՍ-ի ահաբեկչությանը… կան ահաբեկչությանը աջակցող ուժեր, որոնցից մեկը Թուրքիայի նախագահ Էրդողանն է: Նա Իսրայելին անվանում է ահաբեկչական պետություն, բայց իրականում աջակցում է ահաբեկչական ՀԱՄԱՍ պետությանը»,- ասել է Նեթանյահուն։

Նեթանյահուի խոսքով՝ Իսրայելը չի ​​լսի իր երկրի ներսում «թուրքական գյուղերը ռմբակոծող» առաջնորդի «խրատները»։

Ավելի վաղ Էրդողանը հայտարարել էր, որ «հազարավոր իրավաբաններ» դիմում են ՄՔԴ՝ կապված Իսրայելի վարչապետ Բենիամին Նեթանյահուի կողմից իբր իրականացված ցեղասպանության հետ, և հավելել, որ թուրքական իշխանությունները կձեռնարկեն բոլոր անհրաժեշտ քայլերը Նեթանյահուին պատասխանատվության ենթարկելու համար։ Էրդողանը նաև Իսրայելին անվանել էր ահաբեկչական պետություն։