ԱՄՆ-ում հանդիպումից հետո Բայդենը Ծինփինին «բռնապետ» է անվանել
Աշխարհ
ԱՄՆ նախագահ Ջո Բայդենը Սան Ֆրանցիսկոյում Չինաստանի նախագահ Սի Ծինփինի հետ հանդիպումից հետո ասել է, որ շարունակում է նրան «բռնապետ» համարել, գրում են միջազգային ԶԼՄ-ները։
«Լսեք, լայդպես էլ կա։ Նա բռնապետ է այն իմաստով, որ նա մի տղա է, որը ղեկավարում է կոմունիստական երկիրը, որը հիմնված է բոլորովին այլ կառավարման ձևի վրա, քան մերն է: Պարզապես դա հերքելու կամ դրա մասին վիճելու խնդիր չկա»,- լրագրողներին ասել է Բայդենը:
Առաջին անգամ ԱՄՆ նախագահը Սի Ծինփինին «բռնապետ» է անվանել հունիսին՝ ԱՄՆ-ի տարածքում չինական օդապարիկի խոցման դեպքից հետո: Բայդենի խոսքով՝ Սին ոչինչ չգիտեր օդապարիկի կամ դրա առաքելության մասին։ «Բռնապետների համար մեծ ամոթ է, երբ նրանք չգիտեն, թե ինչ է տեղի ունեցել», - ընդգծել է Սպիտակ տան ղեկավարը։
Ի պատասխան՝ Չինաստանի արտաքին գործերի նախարարության խոսնակ Մաո Նինգն ասել է, որ Բայդենի խոսքերը «հակասում են հիմնական փաստերին և դիվանագիտական արձանագրություններին, լրջորեն վիրավորում են Չինաստանի քաղաքական արժանապատվությունը և հավասարազոր են հասարակական քաղաքական սադրանքի»։ «Չինաստանն արտահայտում է իր խիստ դժգոհությունն ու բողոքը»,- ասել է Մաոն։
Այնուամենայնիվ, Բայդենը հրաժարվել է հավատալ, որ Սի Ծինփինին նրա բնութագրումը կազդի Չինաստանի հետ ԱՄՆ հարաբերությունների վրա:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
