Էրդողանը կոչ է արել «քանի դեռ ուշ չէ» ստուգել՝ արդյոք Իսրայելը միջուկային զենք ունի

Թուրքիան նախաձեռնում է տեսչական մեխանիզմ ստեղծել՝ Իսրայելի միջուկային զենքը ստուգելու համար «քանի դեռ ուշ չէ», հայտարարել է Թուրքիայի նախագահ Ռեջեփ Թայիփ Էրդողանը։

Թուրք առաջնորդը նշել է, որ Իսրայելը Միջուկային զենքի չտարածման պայմանագրի կողմ չէ, ինչը նշանակում է, որ, առաջին հերթին, դրա կանոնները չեն տարածվում նրա վրա։ Նրա խոսքով, ստեղծվել է մի իրավիճակ, երբ պայմանագրի մասնակից երկրները կարող են միջուկային անվտանգության անունից կապ հաստատել Ատոմային էներգիայի միջազգային գործակալության հետ և խնդրել ստեղծել տեսչական մեխանիզմ, ինչը Թուրքիան մտադիր է անել հենց հիմա, գրում է ՌԻԱ Նովոստին։

Էրդողանը կարծում է, որ Իսրայելի միջուկային զենքը պետք է ստուգվի «առանց որևէ կասկածի», բայց դա որոշ ժամանակ կպահանջի:

Նրա խոսքով՝ հնարավոր է, որ ԱՄՆ-ն աջակցի Իսրայելին եւ վետո դնի ՄԱԿ-ում, սակայն զարմանալի է, որ այդ հարցն ընդհանրապես քննարկվում է նման հիմքերով։ Էրդողանը նշել է, որ Թուրքիան կշարունակի ճնշում գործադրել այս հարցն առաջ մղելու համար և կոչ է անում աշխարհին չանտեսել այն, քանի դեռ ուշ չէ։