Արգենտինան առաջարկել է ուկրաինական հակամարտության կարգավորմանը նվիրված համաժողով անցկացնել

Արգենտինայի նորընտիր նախագահ Խավյեր Միլեյն Ուկրաինայի առաջնորդ Վլադիմիր Զելենսկուն հրավիրել է համաժողով անցկացնել հարավամերիկյան երկրում, որը նվիրված կլինի ուկրաինական հակամարտության կարգավորմանը։ Այս մասին հայտնում է Clarin-ը։

«Մենք առաջարկել ենք մեզ որպես Լատինական Ամերիկայում խաղաղության համաժողովի անցկացման վայր, եթե դա տեղին լինի», - ասել է նրա արտաքին քաղաքականության հարցերով խորհրդական Դիանա Մոնդինոն:

Այս մասին նա ասել է լրագրողներին՝ մեկնաբանելով Միլեյի և Զելենսկու՝ նախկինում ունեցած հեռախոսազրույցը։

Ուկրաինայի նախագահը զրույցին հաջորդած իր հրապարակման մեջ չի հիշատակել խաղաղության համաժողովի մասին։ Այնուամենայնիվ, Զելենսկին նշել է, որ հրավիրել է նորընտիր նախագահին այցելել Ուկրաինա, ինչպես նաև շնորհակալություն է հայտնել լատինաամերիկացի քաղաքական գործչին Կիևի հետ կապված դիրքորոշման համար։