Ադրբեջանում մեկ օրում երկրորդ խոշոր հրդեհն է բռնկվել

Ադրբեջանի մայրաքաղաք Բաքվում կրկին խոշոր հրդեհ է բռնկվել։ Ինչպես հաղորդում են ադրբեջանական լրատվամիջոցները, հրդեհ է բռնկվել Բաքվի Բինագադի թաղամասում գտնվող առևտրի կենտրոններից մեկում։

Երկրի ՆԳՆ մամուլի ծառայության հաղորդմամբ՝ դեպքի վայր են մեկնել ոստիկանության աշխատակիցներ ու փրկարարներ։ Նշվում է, որ հրդեհի հետևանքով մեկ ոստիկան է տուժել։

Հիշեցնենք, որ այսօր առավոտյան հրդեհ էր բռնկվել Բաքվի շինանյութերի շուկայում, որի հետևանքով 1 մարդ մահացել է։