Ռուսական ՀՕՊ-ը ուկրաինական 16 ԱԹՍ է խոցել. ՌԴ ՊՆ

Այս գիշեր ուկրաինական կազմավորումները փորձել են անօդաչու թռչող սարքերով հարձակում իրականացնել Ռուսաստանի Դաշնության տարածքում գտնվող թիրախների վրա։ Սակայն Ուկրաինայի զինված ուժերի հրամանատարության ծրագրերը վիճակված չէին իրականանալ, հարձակումը հետ է մղվել։ Այս մասին հայտնում է ՌԴ պաշտպանության նախարարությունը։

Ռազմական գերատեսչության տվյալներով՝ ռուսական հակաօդային պաշտպանությունը գիշերը խոցել է ուկրաինական 16 անօդաչու թռչող սարք։ Ղրիմի թերակղզու վրա, որը պարբերաբար դառնում է ուկրաինական ուժերի հարձակումների թիրախ, խոցվել է 13 անօդաչու թռչող սարք։

Վոլգոգրադի շրջանի տարածքում ևս երեք անօդաչու թռչող սարք են խոցել։ Դեռևս պարզ չէ, թե ինչ օբյեկտների վրա են փորձել հարձակվել ուկրաինական անօդաչու թռչող սարքերը ճակատից այդքան հեռու գտնվող տարածաշրջանում: